احبنى الله و لكن الله لن يفعل ما استطيع انا فعله لكن سيحملنى اكيد فى الوقت الذى لا اقدر انا على الحراك
0
-
0


-

-

انا هبقى انا

9:33 ص / مرسلة بواسطة Go2LIghtGO / التعليقات (0)

 
ليه الناس بتعيش مزيفة و تظهر بتحب و هى بتكره ليه ناس كتير تظهر بتضحك و هى متالمة و مجروحة
زى حد بيرقص من المشى على الجمر
و ليه كل الاستاتس بتاعتى لازم تبقى ايجابية
و لازم ابان محترم و اقول كلام فخيم
او اتشتم :)
انا قررت مش هعيش مزيف تانى وقت ما هضحك هضحك و لما اعيط هعيط و هبان انا الحقيقى حتى لو مش ظريف
و اللى عايز يحبنى اوك
و اللى مش عايز الباب يفوت جمل
انا هبقى انا و مش هعيش و را ماسك

محتاج حضنك ممكن

9:17 ص / مرسلة بواسطة Go2LIghtGO / التعليقات (0)

و انا طفل كنت خايف قلقان مرعوب مكتئب
كنت محتاج حضن كبير يشيل حزنى و خوفى كنت محتاج حد يلف ايده حولى و ينسينى المى
و ملقتش غير اللوم
انت مكنتش موجود كمان يا رب 
انت كنت بعيد
وحيد هناك فى الركن متساب 
زى كلب محبوس جوه نفسى خايف
متجرح 
اوقات بحس انى انا متخرم متالم 
محتاج شفاء
محتاج لمسة حب تشفى الجمود اللى انا فيه
محتاج حضنك يا رب
محتاجك تدفى قلبى الى بينزف
معنديش حل غيرك
مع انى مليان لوم ناحيتك
بس للاسف محتاجك
جعان حب و مشتاق للمياه
متسكتش تانى كلمنى متسيبنيش اكلم نفسى ارجوك اسمعنى و رد على
متخاصمنيش ارجوك

محتاج حضنك ممكن؟


--

احمال المشى عالحبل

8:57 ص / مرسلة بواسطة Go2LIghtGO / التعليقات (0)

احمال تقيلة على كتفى شايلها بارادتى انا بحطها على نفسى عقابا ليها و بجلد نفسى و على و انا شايل كل الاحمال دى انى امشى على الحبل 
رجلى حافية
بتوجع لازم تعذب نفسك
و لازم تحقق نجاح عظيم عشان تعوض عن الذنب اللى انت عملته انت فىذاتك قليل لكن اعمالك بتكبرك
و كل ما تشيل احمال اكتر و تنجح اكتر هتعايش معاك اكتر لكن فى الحقيقة بكرهك
يعنى لو معملتش كده هسيبك ههجرك

انت ليه بتعمل كده فى ما تسامحنى بقى ليه عمال تعمل فى عذابى صنعة حبنى زى مانا زى مانا
لو حبيتك زى مانت مش هتنجح و هتفشل اكتر مانت فاشل
لا لو حبتنى زى مانا هنجح اكتر و هحبك و نعيش فى سعادة

يلا بس خلص و امشى عالحبل و لازم رجلك توجعك عشان اقبلك

بعانى من هوس الكمال يا اما اشيل الاحمال و امشى عالحبل و الاحمال هى مشاعر خوف اكتئاب قلق ذنب و لازم ابقى كامل
او اهرب خالص معملش اى حاجة ابعد اخاف مبقاش كامل فاترفض 
ممكن يا نفسى تساعدنى ارجوك 
كفاية احمال و مشى عالحبل

الغفران المستحيل

8:41 ص / مرسلة بواسطة Go2LIghtGO / التعليقات (0)

الغفران مكنتش اعرفه و انا صغير مجربتوش 
كان بيخاصمنى لايام كتيرة لاسباب هايفة و يوم مكتشفو انه انا اعرف العادة ضربونى 
نفسى اتكسرت مش مهم كل ده لكن انا مش قادر اغفر معرفوش مجربتوش اغفر يعنى اغفر انا لازم انتقم من نفسى و من اللى اذونى 
اسيب حقى كده لا انا مش هسيبه
طب هو انا عندى اختيار الغفران ده اساسا ؟
انا فشل انى اغفر معنديش اختيار مش عارف اغفر
طب لو انتقمت هترتاح؟
يمكن
انا شايف ان نفسى غلطت فى حقى لازم انتقم منها اول واحدة نفسى بانى اعذبها و ابهدلها و اخليها تعوضنى بنجاح ملوش مثيل و لو منجحتش اقتلها اموتها اشعرها بذنب لازم تعوضنى نفسى انا حاسس بكره ناحيتك انا حاسس بكره عظيم
ايه الحل ؟
نكسر حلقة الانتقام دى ازاى 
محدش يقلى ربنا 
لانى انا متلخبط مش يمكن يكون غفرانه ده كلام هو بيغفر لكن مش بيشيل شعور الذنب الرهيب جوايا يبقى ايه فايدة الغفران
بيسامح لكن مش بيغير نتايج الخطايا اللى انا عملتها
خطايا انا كنت ضحية مغلطش اساسا 
مش عارف
غفران مستحيل

كنت محتاج حماية

8:23 ص / مرسلة بواسطة Go2LIghtGO / التعليقات (0)

ذنب كنت بعذب نفسى و استلذ بتعذيبها انى اشعر بالذنب مع انى مش مذنب (هما بيقلولى كده دلوقت)
كنت بسيب الكتب و الحصة(لعادة سرية) و اهرب لعالم تانى بس كنت بشعر بالذنب الشديد كنت بقبل الذنب عشان اخد المتعة
كانى بشرب السم فى اجمل عسل بس انا كنت طفل مفهمش معرفش زى طفل بيحط ايده فى الكهرباء هل ذنبه و لا اهله المفروض يحموه من الكهرباء 
الذنب بيمشى فى دمى دلوقت و الخوف من الفشل و مش قادر اسامح نفسى متالم جدا
كنت بحلم و انا صغير بكابوس ان فيه اسود هربت هتموتنى هى هربت فعلا و هتموتنى  
فى نار جوايا بتاكلنى  حد يطفى النار دى
حقايق:
انت مش مذنب ده غلط اهلك و المدرسة انت محدش كلمك عن الجنس ليومنا هذا  ده غلطهم هما لازم تسامح نفسك لازم تغفر ليك و تحبك و تنسى الذنب ده لانك مش غلطان انت ضحية ضحية و كل الناس قالتلك كده

مرة سمعت عن واحدة ادت ابنها حقنة غلط سببت انه يكون عنده عاهم مستديمة
وحد قال قدامى و دى تسامح نفسها ازاى
انا اسامح نفسى ازاى
انا دمرت حياتى 
دمرت نفسيتى
دمرت جسدى
انا وسخ اوى حاسس بكده
عايز استحمى بس مش بنضف
حاسس انى انا القذارة 

ده مش حقيقى انت مش كده كل دى اوهام اعقل و بص يعين حقيقية دى مشاعر صدمة طفل سامح نفسك