ألحقونى الحقونى يييييييييا لهوىالبيت بيقع و الناس طالعة تجرى مفزوعة مفزوعة خوف ور عب هلع و اهلى مرعوبين جدا لمحات الخوف على وشوش الكبار اصعب من الخوف اللى باين على الصغيرين لان الكبار المسيطرين خايفين بيجروا هموت خلاص؟
مفيش امل
الحقونى و طالع اجرى يمكن انجو ياه لو جريت و جيت عند باب العمارة و وقع على حجر ما انا ميت ميت
بس اجرب اجرى هموت من الخوف قبل ما اموت من وقوع البيت الحقونى الرعب هيموتنى قلبى هيقف
اعمل ايه
عايز اجرى مش بس من الموت عايز اجرى من شعور الخوف خايف من الخوف لا يموتنى
عدم امان و فى عز عدم الامان ده يجى حد يقولى انت غبى متشعرش
انت لازم تبقى راجل متحسش
البيت يقع و انت خليك قوى
يعنى ايه قوى يعنى حجارة
حجر ها
متحسش خليك حجر
يمكن البيت مش بيقع لكن حياتى بتقع شاعر فى كل لحظة ان البيت بيقع عدم امان
شاعر علطول بعدم الامان
هو انا محصلش فعليا ان البيت وقع و لا انا شفت بيت بيقع بس حاسس علطول بعد الامان يمكن لان اهلى خضونى و انا صغير
و الناس فزعونى
يمكن لو البيت بيقع قى حلين:
1-اموت و ارتاح
2-او هسيب البيت و اجرى و خلص الموضوع
و لو البيت بيقع محدش هيقولى خايف ليه هقولو يا حمار البيت بيقع طبيعى اخاف و اشعر بعد الامان
انا علطول شاعر ان البيت بيقع و الناس تقولى انت ضعيف
يا جماعة المجتمع محمانيش و اهلى محافظوش على و حاسس ان ربنا سابنى شاعر بعد الامان
يا رب تعالى ادخل ساعدنى عايزك
عايز اشعر بيك انت
حاول تخليك انت الامان
عايزك تبقى انت البيت اللى مش بيقع ابدا قرب منى بحبك
واثق انك موجود لكن عايز احسك
7 التعليقات:
و الله مش عارف اقول اية لاني برضة علي طول مرعوب بس ربنا انشاء الله معاك و مش هيسيبك و هيساعدك
كان نفسي اقول حاجة تساعد او اعمل حاجة بس زي ما الناس بتقول باب النجار مخلع هيهيهيهيهي
يعني انا نفس المشاعر دية جوايا و بحس بخوف كتير و بحس ان حياتي بتدمر دا انا بترعب من كل حاجة بس انا بعشم نفسي اني هبقي كويس و هيبألي ناس بتخرج معايا و لما عاوز حد يساعدني هلاقية(يعني صحاب مقربيين و دة اضعف الايمان) انا معشم نفسي انها مش ديد اند
يا رب ارحمني و ارحم نور و اثمن و عمر و مجاهد و حسام و كل الباقيين يا رب انت القوي يا رب :)
نضحكك شوية هي قلشة غلسة بس ممكن تعجبك
اتنين فراعنة قاعدوا علي قهوة طلبوا اتنين لمون و حجر رشيد :) هيهيهيهيهيهي نكتة غلسة غلسة :) هيهيهيهيهيهي قول يلاانها غلسة :) هيهيهيهيهي
اصلي مردتش انهي الكومنت بهم :)
متزعلش نفسك انشاء الله خير و كلة هيبقي تمام :)
اخوك
amidos
نسييت اقولك مبروك علي الشكل الجديد بتاع المدونة اللي عاجبني اوي الصورة بتاعة المدينة و اسم المدونة في السماء لذيذ جدا اصلي انا بعشق اشوف المدن بليل الضائات و كدة بجد جميلة :) غير طبعا التركييب بتاعها شكلة لذيذ :) بس مش عارف انا كان رأيي ان السيد بار شكلة هيبقي احلي لو اتحط علي اليمين بدل الشمال مش عارف بس انا حاسس ان شكلة هيبقي اظرف :) بس عموما جميلة المدونة بتاعتك و الاجمل طبعا كلامك اللي نابع من قلبك :)
اخوك
amidos
من احلى ما قرأت بجد حاسيتك قوى وحسيت كل كلمة قولتها انا كمان ما حسيتش بالامان ونفسى احس بيه بس طول ما احنا صحاب هنقوى بعض ان شاء الله
طب إنت قاعد في بيت
اللي قاعد في خرابة بقى يعمل إيه !!
اللي موش عارف هوه عايش ولاّ ميت يعمل إيه !!
أنا مبقيتش فارقة معايا
حيحصل إيه أكتر من اللي حصل
وأديني ماشي
يمكن ألاقي شجرة أتحامى في ضلها
وبأدور
يمكن ألقى حضن ربنا
عاوز أعرف ربنا
يارب إحميني
أنا بحبك
هههههههههه
وعلى رأي أميدوس :
باب النجار مخلع !!
بس أنا بقى خايف من الديد إند
أو موش خايف .. لأ
منتظرها
هههههههههه
حلوة النكتة يا أميدوس
شوفت يانور أهو بيضحكك أهوه إضحك بقى
إحنا معاك زي ما قال إنسان
و حنبنبي البيت من تاني
:)
انا برضه مش عارفة اقولك ايه ... الاحساس بالامان هو اكتر حاجة بادور عليها و انا زيك عمرى مخدته او حسيته لان اهلى كانوا سايبنى عالطول اعتمد على نفسى من وانا عندى 7 سنين. بصراحة ده الاحساس اللى بادور عليه فى علاقاتى و لو لقيته بيبقى فيه قدامه تمن غالى. علشان كده بطلت ادور عليه بره و اهو ادينى باحاول اخده من ربنا و من نفسى .. انا كمان باصرخ معاك لربنا و باقوله: عايزة احس بامان معاك عايزة احس انى فى حضنك و انك بتحمينى وواقف عنى و بتدافع عنى و انى مش لوحدى.
هو انت كويس يا نور اصلي كنت متعود اشوفك بتعمل ريبلي علي الكومنتس اللي بتجيلك
كمان كنت متعود تعمل بوستس كتيرة
يا رب تكون كويس :)
إرسال تعليق