عيل صغير وقف مع باباه عند السوبر ماركت و قاله بابا انا عايز شيكولاته دلوقتباباه مردش و قاله انا بحبك
الولد قاله انا عايز شيكولاته دلوقت
قاله انا بحبك
الولد قاله حبك ده عادى ببلاش لكن الشيكولاته بفلوس
باباه قاله حتى لو شايف ان حبى ارخص من الشيكولاته برده بحبك
مش مهم انت مقدر حبى و لا لا بس بحبك
انا الطفل ده
يا رب انا استنيت معجزة طول حياتى
و حبك لى مالوش قيمة لانى عايز المعجزة
انا عايز معجزة
انا عايز شيكولاته
و بصراحة نفسيتى محبطة بالرغم كل التغيير اللى انت بتعمله فى بالرغم من وقفتك جنبى دلوقت
نفسى بتقولى لا انا عايز معجزة ( شيكولاته)
بابا انت تقدر تشتريلى شيكولاته لكن حتى لو مش عايز حبك اغلى
انا عرفت قيمة حبك اغلى من كل مصانع الشيكولاته
الشيكولاته ما الا تعبير منك عن حبك لكن حبك هو الاصل
حبك اغلى من كل المعجزات من كل مصانع المعجزات و المعجزة ما هى الا تعبير عن حبك
انا مش عايز شيكولاته انا عايزك انت يا بابا عايز المس حبك يا رب نفسى تحضنى احضنى يا رب انا مش عايز معجزة انا عايزك انت محتاجك انت
محتاجك انت يا مصدر المحبة ساعات بتدينى شيكولاته
و ساعات لا
بس
بتدينى دايما محبة حتى لو مقدرتهاش
بس قد ايه هى غالية
محتاجها هموت عليها
0 التعليقات:
إرسال تعليق