احبنى الله و لكن الله لن يفعل ما استطيع انا فعله لكن سيحملنى اكيد فى الوقت الذى لا اقدر انا على الحراك
0
-
0


-

-

لو عايزين تحبونى

10:25 ص / مرسلة بواسطة Go2LIghtGO /

واحد بيسال التانى
الاول: ايه رايك فى الجزمة دى؟(جزمة بيج سحافى من غير رباط)
التانى: ياه ممتازة رائعة بس لو كانت سوداء و بكعب و برباط
الاول: بس ما كانتش هتبقى الجزمة دى!!!!

ناس كتير تقولى بحبك جدا بس لو ...............
بحبك جدا بس ليه خايف كده
بحبك بس ليه تخين كده...............
بحبك بس ليه رفيع كده انت لو تتخن......
بحبك لو
بحبك.........؟؟؟؟؟؟؟؟؟؟؟؟
متبقاش بحبك يبقى انت بتدور على حد تانى فى انا
متتعبش
مكنتش هبقى انا
لو عايزين تحبوا واحد ميخفش يبقى مش انا ساعات بخاف
لو عايزين تحبوا واحد فرحان دور انا حزين دلوقت هفرح بعدين
لو عايزين تحبوا واحد مش شاعر بالخزى دور على حد غيرى انا دلوقتى بعانى
لو عايزين تحبوا حد مشاعره بتثق فى ربنا و نفسه و الناس دوروا عليه فى حتة تانى


بس متقوليش بحبك لكن
بحبك لو
لو عايزين تحبونى
متقولش بحبك
انا هحسها



4 التعليقات:

غير معرف on 12 نوفمبر 2008 في 11:24 ص

نفس الكلام دة انا بحسة و بقولة كتير :)
و انا مقتنع ان الحب مش كلمة تتقال انا حاحسها من الافعال و التصرفات
اصلي في الموضوع دة اضحك عليا كتير زمان من كل صحابي
كل ما اقابل حد جديد اتعلق بية و اعتبرة صاحبي الانتيم و هو يقولي انت برضة صديقي النتيم و كلام زي دة بس لما يجي حاجة تثبت دة و لو صغيرة تلاقية بعيد مش عاوز يكلمني يتهرب مني يخاف مني :)
واحد مكنش بيحب يشوفني اساسا الا صدفة اما انة يخرج معايا لأ و كان دايما يطلعلي حجج و انا علشان عبيط و واثق فية بصدقة و بعد شهور او سنين الغشاوة تختفي و ابدأ اعرف انة مش بيحبني

و حاجات كتير زي دي

قلت يمكن الناس كلها كدة حتي مع بعض
الاقي ان الناس مش كدة مع بعض كل واحد منهم لية صحابة الانتيم اللي افعالة تدل انهم انتيم لية
عادي اتعوت يضحك عليا و لسة بيضحك ساعات بس خلاص اتعودت (متعودة دايما :) هيهيهيهيهيهي من مسرحية شاهد مشفش حاجة)

سيبك انت بقي من كل الكلام الحمصي دة و انشاء الله هتشوف النور يا نور :)
انا بحب كتاباتك اوي و حاسس منها انك انسان حساس جدا زيي

متبقاش تختفي كدة كتير انا بقلق بجد عموما دة طبع فيا اني اي حد انا متعود انة بيعمل حاجة(بتكتب كتير بتعمل ريبلي عليا و كدة) و اشوفة بطل يبقي فية حاجة غلط مضايق او ما شابة :) غير كمان انا بحترمك جدا (شوفت مقلتش بحبك هيهيهيهيهي)

انا الحمد لله اول كومنت :) هييييييييييييييييه يا رب عقبال ما ادوس ميبقاش حد سبقني :) هيهيههيهيهيي

Comment by Go2LIghtGO on 12 نوفمبر 2008 في 1:38 م

اخى اميدوس معندكش فكرة قد ايه بحب تعليقاتك الجمييييييييييلة
و بتنقلنى من حالة الحزن للضحك
بحترمك
و بقدرك
ونفسى اعرفك اكتر علشان تحس انى .............

Comment by انسان جديد on 12 نوفمبر 2008 في 2:34 م

يعنى مش قادر اوصفلك اد ايه حسيت كلامك
فكرة الحب المشروط
كل واحد بيحب حد او بيقول انه بيحبه بس لو اتغير فيك كذا او ما بقتش كذا طيب ومين قالك انى لو اتغيرت زى ما انت عايز هتحبنى مش يمكن ابقى واحد تانى وما تحبنيش لازم كلنا نفهم اننا بنحب بعض زى ما احنا بعيوبنا ومميزاتنا مش شرط كل واحد يتمنى اللى قدامه يتغير فيه حاجات علشان حبه ليه يكتمل وده علشان مين اصلا اللى يضمن انى اما تتغير فية الحاجات ديه هتقدر تحبنى لانى ساعتها هاكون حد تانى وشكرا ليك على مواضيعك الرائعة

غير معرف on 13 نوفمبر 2008 في 10:02 ص

تعالو يا حلويين احكلكوا قصة امنا الغولة و ابو رجل مسلوخة الحقيقية
علشان تعرفوا دول اسمهم الحقيقي سوسو و تامر :) كان الحاج تامر دة بيحب العيال و الاطفال اوي و كان بيعد يلاعبهم و كدة و سوسو دية تبقي خالتة
و في يوم من الايام كان تامر كان قاعد فسمع من صحابة العيال الصغيريين في الشارع ان العيال بتوع الشارع اللي وراهم عاوزيين يلاعبوهم دوري سيجا (اللعبة بتاعة الظلط دية) فقالوا يجييب كل شارع احسن تلاتة عندهم و يلاعبوا بعض و الشارع اللي يكسب اتنين منهم هو الفايز
فكان تامر من الناس المحترفة فقالوا العيال لية انة ينزل يلعب فوافق علي انة يلعب و نزل و كان المتش حامي و ابتدأت المباراة صفر صفر لكل الناديين و استمرت المبارة طويلا لغايت............. بيبو و بشير بيبوو الجون و جون و جون و جوووووووووووووووون فكان ناقص حركة زلطة و يكسب تامر فقعد تامر يقول للبيلاعبة و فضلك زلطة و تطلع برة و فضلك زلطة و تطلع برة :) و قعد يرقص و يتنطط فكان الفريق التاني عامل حسابة ان في حالة انوا يقترب من الهزيمة انهم يهددوة بخالتة سوسو فقالولو لو لعبتالزلطة الاخيرة هنخلص علي سوسو فقلق تامر و قالوا طيب عندي فكرة بلاها نادية(دية تبقي عمتة) بلاها سوسو خد فوزية(حماتة) هيهيهيهي (من مسرحية سك علي بناتك) فرفضوا فقالولو لو مخسرتش مش هيحصل كويس لخالتك
هتسألوني طيب هما لية مخدوش عمتة هقولكم و انا مالي هو انا اللي خاطفها :) هيهيهيهيهيهي اسألوهم
نرجع لموضعنا كان تامر عامل نظام حماية لانة كان عامل حسابة فداس علي الزرار الخفي في الموبيل فاطلف دايزر انطلق دورة كاملة التحام (من كرتون جرنديزر عامل زي مزنجر) فالالي و هو بينط علشان يركب فية واحد من العيال الوحشين شنكلة فوقع و هو بيقع حاول يعمل زي البرنس في لعبة برنس اوف برسيا (قصدي انة يمسك في الحيطة بتاعة المبني علشان يهدي سرعتة و هو بيقع) بس تامر كان ناسي انة لابس شورت فرجلية اتسلخت في الحيطة و خسر المطش و سابوا خالتة فالعيال بعد كدة سموة ابو رجل مسلوخة و طبعا خالتة دية علشان عندها تامر و بقي عامل زي الغول فسموها امنا الغولة طقطقت الفولة :) هيهيهيهيهيهيهيهيهي
قصة شلل جدا انا متأكد انكم اتشلتوا منها هيهيهيهيهيهي

يا رب اكون خرجتك من المود هيهيهيهيهيهي وعجبتك القصة الضايعة دية :) هيهيهيهيهي

يلا خالي بالك من سوسو :) هيهيهيهيهيهي

يلا سلام :)

إرسال تعليق