احبنى الله و يكسرقيودى

االاب هو الامان و بيقولو لما تمشى مع بابا بتطمن حتى لو فى كلاب بتنبح هو هيتصرف

و لو ماشى وحدى فى الضلمة و هجم على كلب عضنى هقول ليه سبت ايد بابا هرجع للامان مع بابا تانى

اسمعو القصة دى:

كنت ماشى مع بابا فى شارع كلو ضلمة و ماسك ايده و مطمن لان كل الناس بتقولى مع بابا انت فى امان
و انا بحبه جدا مبسيبش ايده بسمع كلامه ساعات بغلط لكن بحبه
و فجأة لقيت كلاب كتير هجمت على و خفت و الكلاب هجمت على هجوم عنيف قعدت وقت طويلللللللللل كلاب شرسة جدا بهدلت رجلى الاتنين لدرجة انه بعد ما رحت المستشفى قالو لازم نقطع رجليه الاتنين :(
و من يومها بقيت من غير رجلين

اتألمت كتير واتوجعت لوقت طويل والكلاب بتاكل رجلى و ان رجلى اتقطعت
لكن الالم الاكبر انى كنت مع بابا الامان و الصدمة الاكبر ان بابا محاولش يدافع عنى و سابنى للكلاب
و الصدمة الاكبر انه كان يقدر و الصدمة الاكبر انه محسيتش انه حتى صعبت عليه و لا اتحرك بس مسابش ايدى
ايده رمز الامان مبقلهاش معنى ملهاش امان قدمنى للكلاب فريسة بس مسابش ايدى و كان يقدر يدافع

امشى ازاى تانى مع بابا؟؟؟؟
الامان ازاى تانى مع بابا؟
اطمن ازاى تانى لبابا؟
فين الامان
لما بيمسك ايدى تانى بالعكس بفتكر انه انا كنت ماسك ايدك و بفتكر ازاى كان ماسك ايدى و مع ذلك اتاكلت

القصة دى حصلت فعلا بس مش مع بابا الارضى
حصلت مع ابويا السماوى

انا كنت ماسك ايدك و بحبك و كنت باجى اشكيلك كل يوم و اعيط و اقولك انا بحبك ايه الى بيحصل ده
ليه بحب العادة السرية دى كنت بجيلك و انا عمرى 5 الى 12 الى 13 الى الان و عمرك ما سبت ايدى و لا انا سبت ايدك قلبى نحوك صادق جدا جدا
و مع ذلك اتاكلت
بيقولو انك تقدر ليه ما دافعتش عنى امسك ايدك تانى ازاى؟
الاقى امان ليك تانى ازاى
االاقى امان معاك ازاى
ايدك بتفكرنى انى ساعتها كنت ماسك ايدك
كنت ماسك ايدك