احبنى الله و يكسرقيودى

2 التعليقات:

Comment by عُمر on 26 سبتمبر 2008 في 11:31 م

بص

أنا بحبك

عشان خاطري بلاش تعمل كده في نفسك أوك

إنت إنسان جميل بتطلع اللي جواك

ربنا فعلاً بيحبك ..

قرب إنت منه شوية بس وحتحس بالحب ده ..

حأقولك حكاية يا سيدي :

مرة راجل كان بيحلق عند الحلاق ..

والحلاق قاعد يقوله الدنيا دي مفيش فيها إله ولا حاجة ياعم ده كلام فارغ ..
هوه لو كان فيه إله كان ساب الناس فقيرة كده .. هوه لو فيه إله كانت الناس يبقى بينها حروب وبتسرق وبتقتل ..
أكيد مفيش الله ..

والراجل اللي كان بيحلق مكانش عارف يرد يقوله إيه وكان ساكت وبعد ما حلق وهوه خارج من باب الحلاق شاف واحد تاني ماشي في الشارع شعره طويييل أوي ومنعكش ..
فقال بصوت عالي : مفيش حلاق في البلد دي ..

فالحلاق قاله : إنت ليه بتقول مفيش حلاق ما أنا أهوه قدامك ..

الراجل قاله لأن فيه ناس شعرها طويل ومنعكش ..

الحلاق قاله بس هما موش بيجولي لو جم عندي أنا حأحلقلهم وأخلي شكلهم كويس ..

الراجل قال للحلاق : أهو زي مانت موجود بس الناس موش بتيجي تحلق عندك وشعرها طويل .. ربنا برضه موجود بس الناس هي اللي موش بتروحله وعشان كده فيه ناس بتقتل وناس بتسرق ..

اللي أنا عاوز أقولهولك يا صاحبي إن الله موجود وشايف كل اللي بنعمله وبيحبنا بس لازم إحنا اللي نروحله وهوه حيقبلنا .. لأنه إله ..

برافو إنك تطلع مشاعرك وانا بأشجعك على كده ..

وأنا عارف إنك حتبقى أحسن وأحسن وأحسن ..

وخد بالك من نفسك ..

Comment by Go2LIghtGO on 28 سبتمبر 2008 في 3:59 ص

اخى العزيز عمر
اشكرك لاهتمامك بالرد و احييك و احترمك جدا

اشكر ردك
المشكلة انى عارف ان الله بيحبنى و لكن مشاعرى متبهدلة
و المشكلة ان مشاعرى كانت متبهدلة 20 سنة
و انا مش عارف
و طلعت على دلوقت
شكرا لوقوفك جنبى

إرسال تعليق